Չինաստանի ընկերությունները կմասնակցեն Կերչի նեղուցով դեպի Ղրիմ փոխադրամիջանցքի կառուցմանը
Աշխարհ
Կերչի նեղուցով դեպի Ղրիմ փոխադրամիջանցքի կառուցման գործում, փոխադրամիջանցք, որի արժեքը 1,2 – 3 միլիարդ դոլար է, կարող են ներգրավվել Չինաստանի պետական շինարարական ընկերություն և մասնավոր ներդրումային հիմնադրամ, իսկ նախագծի մի մասի համար ներդրումները կկատարվեն յուանով: Այս մասին, ինչպես տեղեկացնում է «Արմենպրես»-ը, մայիսի 5-ին գրել է «Կոմերսանտ» թերթը՝ վկայակոչելով Ռուսաստանի տրանսպորտի նախարարությանը ե ւ ավտոճանապարհային վարչությանը մոտ կանգնած աղբյուրներ:
Ըստ հրատարակության տվյալների՝ Ղրիմի տնտեսությունում, թերակղզին Ռուսաստանին միանալուց հետո, առաջին արտասահմանյան ներդրողները կլինեն չինական ընկերությունները: Տրանսպորտի նախարարությունն արդեն պատրաստվում է Չինաստանի ընկերությունների հետ հուշագիր կնքել Կերչի նեղուցի վրայով անցնող փոխադրամիջանցքի վերաբերյալ, որը կմիացնի Կրասնոդարի երկամասը և Ղրիմը:
Նախագծի տեխնիկական մոդելը տակավին հաստատված չէ, մասնավորապես, քննարկվում է ավտոմոբիլային-երկաթուղային կամրջի կամ կամրջի և ստորջրյա թունելի կառուցման հնարավարությունը, հաղորդել է ԻՏԱՌ-ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
