Ռադայում գրանցվել Է իշխանության ապակենտրոնացման մասին հարցում անցկացնելու Յացենյուկի օրինագիծը

Ինչպես հայտնում է itar-tass-ը, Գերագույն ռադայում գրանցվել Է օրինագիծ մայիսի 25-ին իշխանության ապակենտրոնացման հետ կապված հարցերի շուրջը համաուկրաինական կոնսուլտատիվ հարցում անցկացնելու մասին: Այն ներկայացրել Է հանրապետության վարչապետ Արսենի Յացենյուկը: 

Ավելի վաղ նա կարեւորել Է խորհրդարանում համազգային հարցման մասին օրենքի քննարկումը: «Համազգային հարցում կանցկացվի այն հարցերի վերաբերյալ, որոնք այսօր հուզում են Ուկրաինային: Դրանք պետության միասնության, տարածքային ամբողջականության եւ իշխանության ապակենտրոնացման հարցերն են»,- այն ժամանակ նշել Է Յացենյուկը: