ՌԴ-ն մոտ 7 մլրդ ռուբլի կհատկացնի Ղրիմի տրանսպորտային ապահովմանը

Ինչպես հայտնում է business-gazeta.ru-ն, Ռուսաստանի Դաշնությունը Ղրիմի դաշնային շրջանի տրանսպորտային ապահովման ֆինանսավորման համար կհատկացնի 7 մլրդ ռուբլուց ավելի գումար: Այս մասին ասվում է կառավարության պաշտոնական կայքում։

«ՌԴ վարչապետ Դմիտրի Մեդվեդևն արդեն ստորագրել է համապատասխան հրամանագիրը»,-ասվում է հայտարարության մեջ։

Սուբսիդիաներն ու միջբյուջետային փոխանցումները կուղղվեն Սիմֆերոպոլի օդանավակայանի օբյեկտների շինարարության ու կապիտալ վերանորոգմանը, Ղրիմ և հակառակ ուղղությամբ ուղևորների տեղափոխմանը, ինչպես նաև Կերչում մի շարք շինարարական աշխատանքների գործընթացին և իրականացմանը։