Խորտակված «Սևոլ» լաստանավում հայտնաբերվել են ուղևորների և անձնակազմի անդամների 268 մարմին
Աշխարհ
Խորտակված «Սևոլ» լաստանավում որոնողա-փրկարարական գործողության ընթացքում մինչ այժմ հաջողվել է հայտնաբերել զոհվածների 268 մարմին: Կորեական թերակղզու արևմտյան հատվածի մոտ խորտակված նավում որոնումները շարունակվում են 22-րդ օրը:
Ինչպես հայտնել են Չինդո կղզում Կորեայի Հանրապետության կառավարության օպերատիվ շտաբում, մայիսի 7-ի առավոտվա դրությամբ 34 ուղևորներ անհայտ կորած են համարվում:
Վերջին ժամերին գործողության շրջանում եղանակը լավացել է, բացի այդ դանդաղել են ջրասուզակների աշխատանքին խանգարող սեզոնային մակընթացային հոսանքները: Գիշերները դրանք ուժեղանում են և խանգարում ջրասուզակներին՝ մակերևույթ բարձրացնելու զոհվածների մարմինները:
Շուրջ 40 մետր խորության վրա կատարվող աշխատանքի ընթացքում ծովային ոստիկանության, ռազմածովային ուժերի և քաղաքացիական ծառայությունների ջրասուզակները փորձում են բացել ուղևորների համար նախատեսված այն 64 նավախցերը, որտեղ, ինչպես ենթադրում են փրկարարները, կարող են լինել դեռևս չգտնված մարդկանց մարմինները, հաղորդել է ԻՏԱՌ-ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
