Հորդանանում Դավութօղլուին թույլ չեն տվել մտնել սիրիացի փախստականների ճամբար

Թուրքիայի արտաքին գործերի նախարար Ահմեդ Դավութօղլուին և նրան ուղեկցող թուրքական պատվիրակությանը Հորդանանում թույլ չեն տվել մտնել սիրիացի փախստականների Զաաթարի ճամբար: Թուրքիայի ԱԳՆ ղեկավարը Հորդանան էր ժամանել մասնակցելու «Սիրիայի բարեկամների» հավաքին, որտեղ պետք է քննարկվեին սիրիացի փախստականների հետ կապված հարցեր: Այս մասին հայտնում է թուրքական «Հուրիեթ» թերթը` նշելով, որ թեև հանդիպումը տեղի է ունեցել Զաաթարի ճամբարի վարչական շենքում, սակայն, նրա մասնակիցներին թույլ չի տրվել անցնել փախստականների բնակության հատված:

Թերթը գրում է, որ հանդիպմանը մասնակցել են նաև Լիբաբանի, Իրաքի ԱԳՆ ղեկավարները և Եվրամիության փախստականների հարցերով հանձնակատարը' միաժամանակ նշելով, որ հորդանանցի պաշտոնայները նրանցից ոչ մեկին, այդ թվում` Դավութօղլուին, թույլ չեն տվել տեսակցել սիրիացի փախստականների հետ: Թուրքիայի արտգործնախարարը Հորդանանից վերադարձել է առանց տեսակցելու սիրիացի փախստասկանների հետ, ինչի համար մեկնել էլ այդ երկիր:

Հորդանանի Զաաթարի ճամբարում 110 հազար սիրիաիցի փախստական է բնակվում: Ընդհանուր առմամբ` Հորդանանում 600 հազարից ավելի սիրիացի փախստական կա: Թուրքիայում նրանց թիվը գերազանցում է 900 հազարը:

ՄԱԿ-ի տվյալներով` Սիրիայում երեք տարուց ավելի շարունակվող ներքին պատերազմի պատճառով փախստականների թիվն արդեն գերազանցում է 1,6 միլիոնը: