ԵԱՀԿ-ի գլխավոր քարտուղարը հանդիպումներ է անցկացնում Կիևի իշխանությունների ներկայացուցիչների հետ
Աշխարհ
Ինչպես հայտնում է itar-tass-ը, ԵԱՀԿ-ի գլխավոր քարտուղար Լամբերտո Զանիերը մայիսի 8-ին այցով ժամանել է Կիև և արդեն հանդիպումներ է անցկացնում Կիևի իշխանությունների ներկայացուցիչների հետ: Այդ մասին հայտնել են Ուկրաինայում ԵԱՀԿ-ի ներկայացուցչությունում:
«Հանդիպումների մակարդակը առնվազն արտաքին գործերի նախարարն է»,-նշել են ներկայացուցչությունում՝ չճշտելով բանակցությունների այլ մանրամասներ:
Սպասվում է, որ այցի ընթացքում Զանիերը կքննարկի ՈՒկրաինայի իրադրության կարգավորման «ճանապարհային քարտեզը», որն առաջարկել է ԵԱՀԿ-ն: ԵԱՀԿ-ին առընթեր Ուկրաինայի մշտական ներկայացուցիչ Իգոր Պրոկոպչուկը հայտնել է, որ «ճանապարհի քարտեզը» Կիևի իշխանություններին կներկայացվի մինչև օրվա վերջը:
«Այսօր այդ ծրագիրը ներկայացվելու և քննարկվելու է Կիևում,-ասել է Պրոկոպչուկը:-Կարծում եմ, որ այդ քննարկման արդյունքում ավելի հստակ ըմբռնում կլինի»: «Ճանապարհի քարտեզն» առաջարկել է շվեյցարական կողմը,-նշել է նա:-Առանձին տարրեր կարող են հետաքրքրական լինել, մյուսները շտկում կպահանջեն»:
Դիվանագետի խոսքով՝ ուկրաինական կողմը դեռ փաստաթղթի պատրաստման փուլում է ԵԱՀԿ-ն նախագահող Շվեյցարիային փոխանցել իր առաջարկները:
ԵԱՀԿ-ի գլխավոր քարտուղարի այցը Կիև կավարտվի մայիսի 9-ին:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
