Տիեզերքի էվոլյուցիան մոդելավորված է համակարգչի վրա
Աշխարհ
Տարբեր երկրների մի խումբ հետազոտողներ համակարգչի միջոցով ստեղծել են Տիեզերքի էվոլյուցիայի առավել լիակատար դիտողական մոդելը:
Համակարգչային մոդելը ցուցադրում է, թե ինչպես են ձևավորվել առաջին գալակտիկաներն առեղծվածային սուբստանցիայի՝ մութ մատերիայի թանձրուկների շուրջը: Տիեզերքի այսքան մանրամասն մոդել մշակվել է առաջին անգամ: Այս աշխատանքի արդյունքները հրապարակվել են Nature հանդեսում: Համակարգչային մոդելը թույլ կտա ստուգել այն տեսությունը, թե ինչից է բաղկացած և ինչպես է կառուցված Տիեզերքը:
Գալակտիկաների առաջացման հարցի՝ աշխարհում առաջատար մասնագետներից մեկը՝ պրոֆեսոր Ռիչարդ Էլիսը Կալիֆորնիայի Փասադենայի տեխնոլոգիական ինստիտուտից, այս մոդելը համարել է «ապշեցուցիչ»:
«Այժմ մենք կարող ենք սկսել հասկանալ, թե ինչպես են առաջանում աստղերը և գալակտիկաները, և թե ինչպես են դրանք փոխներգործում մութ մատերիայի հետ»,- ասել է նա BBC-ին տված հարցազրույցում:
Այս մոդելի ստեղծման համար պահանջվել են վիթխարի հաշվողական կարողություններ: Սովորական նոութբուքին շուրջ երկու հազար տարի կպահանջվի գործի գցելու ծրագիրը և սպասելու դրա արդյունքներին: Սակայն նորագույն գերհամակարգիչների և Arepo ծրագրի միջոցով հետազոտողներին հաջողվել է դա անել երեք ամսում:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
