Dow Jones-ի ինդեքսը հասել է պատմական առավելագույնին

ԱՄՆ ֆոնդային բորսան փակվել է հիմնական ֆոնդային ինդեքսների աճով։ Dow Jones-ի ինդեքսը, որը երկրի գործարար ակտիվությունը գնահատող կարևորագույն ինդեքսն է, աճել է 32,37 կետով (0.20 տոկոս) և կազմել 16583,34 կետ։ Այդպիսով ինդեքսը սահմանել է նոր պատմական ռեկորդ։ Նախորդ ռեկորդը՝ 16,580.84 կետ, գրանցվել էր այս տարվա ապրիլի 30-ին։

S&P 600 ինդեքսը, որ ներառում է ամերիկյան շուկայի 500 խոշորագույն ընկերությունները, ուրբաթ բաձրացել է 2,85 կետով (0,15 տոկոս) և հասել 1878,48 կետին։ NASDAQ-ի էլեկտրոնային ֆոնդային բորսայում ինդեքսն աճել է 20,37 կետով (0.50 տոկոս) և կազմել 4071,87 կետ։

Միացյալ Նահանգներում ավարտին է մոտենում առաջին եռամսյակի կորպորատիվ հաշվետվությունների հրապարակման ժամանակաշրջանը։