Amnesty International-ն անհանգստացած է Ուկրաինայում իրավապահների կողմից իրականացվող դաժանություններից

Ինչպես հայտնում է ria.ru-ն, իրավապահ մարմինների կողմից իրականացվող ուժի չարաշահումն ու դաժանությունը, մասնավորապես, ակնհայտ է Ուկրաինայում վերջին զարգացումների ֆոնին: Այս մասին ասվում է աշխարհում խոշտանգումների և չարաշահումների միջազգային Amnesty International իրավապաշտպան կազմակերպության զեկույցում:

«Ավելորդ ուժը և ծեծը ցուցարարների նկատմամբ տարածված երևույթ է հետխորհրդային երկրներում: Amnesty International-ը գրանցել է մի շարք դեպքեր Ռուսաստանի ընդդիմության ակտիվիստների, Ադրբեջանի պարագայում: Այս դրսևորումներըակնհայտ են նաև  հատկապես Ուկրաինայում վերջին զարգացումների ֆոնին՝ «Եվրամայդանի» հակառակորդների նկատմամբ: Կազմակերպության անդամներն ու կողմնակիցները մտադիր են ճնշում գործադրել ուկրաինական կառավարության վրա՝ նամակների ու միջնորդագրերի օգնությամբ, հրապարակային ակցիաների անցկացմամբ»,- ասվում է զեկույցում: 

Կազմակերպությունում հիշեցրել են, որ Եվրամայդանի ցույցերի սկզբից գրացվել են խաղաղ հավաքների ազատության խախտման բազմաթիվ դեպքեր, իրավապահ մարմինների կողմից ավելորդ ուժի կիրառման, անարդար դատական գործընթացների և ակտիվիստների հետապնդման դեպքեր: