Ուկրաինայի արևելքում իրադրության կայունացման բանալին գտնվում է Մոսկվայում. Յացենյուկ
Աշխարհ
Ուկրաինայի վարչապետ Արսենի Յացենյուկը համոզված է, որ երկրի արևելքում իրադրության կայունացումը կախված է ռուսական իշխանությունների գործողություններից. հենց որ Մոսկվան դադարի աջակցել անջատկաններին ու ահաբեկիչներին, իրադրությունը կբարելավվի:
Այդ մասին նա հայտարարել է մայիսի 13-ին՝ ամփոփելով Գերմանիայի արտաքին գործերի նախարար Ֆրանկ Վալտեր Շտայնմայերի հետ «Բորիսպոլ» օդանավակայանում կայացած հանդիպման արդյունքները, տեղեկացնում է «Ուկրինֆորմը»:
«Արևելքի իրադրության կայունացման բանալին գտնվում է ոչ թե Կիևում, այլ Մոսկվայում: Հենց որ դադարեն աջակցել անջատականներին ու ահաբեկիչներին, իրադրությունն իսկույն կբարելավվի»,- նշել է նա:
Վարչապետը նաև նշել է, որ Ուկրաինան պնդում է երկրում ճգնաժամից դուրս գալու ուղիներ գտնելու շուրջ բանակցությունների քառակողմ ձևաչափի (Ուկրաինա, ԱՄՆ, ԵՄ, ՌԴ) պահպանումը:
Բացի այդ, Յացենյուկը նշել է, որ ձեռնարկվում են անհրաժեշտ բոլոր միջոցները մայիսի 25-ին արդար ու թափանցիկ ընտրություններ անցկացնելու համար:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
