Google-ը Եվրամիությունում տանուլ է տվել անձնական տվյալների պաշտպանության դատական գործը
Աշխարհ
Ինչպես հայտնում է itar-tyass-ը, Google ընկերությունը պարտավոր է հետևել անձնական տվյալների պաշտպանության եվրոպական օրենքներին և շտկումներ կատարել որոնման համակարգում: Այս վճիռն է կայացրել Եվրամիության դատարանը՝ պաշտպանելով մասնավոր կյանքի անձեռնմխելիության իրավունքը:
Եվրամիության դատական ատյանի հայտարարության համաձայն՝ մի շարք դեպքերում շահագրգիռ մարդիկ կարող են դիմել ընկերությանը՝ հնացած, անմիջականորեն իրենց չվերաբերող տվյալները վերացնելու խնդրանքով:
Ավելի վաղ Google-ի ներկայացուցիչները նշել են, թե չեն կարող Համացանցում վերահսկել որոնման համակարգը և պատասխանատվություն չեն կրում ստացված «անձնական տվյալների համար, որտեղ ազատ ներթափանցելու հնարավորություն կա»: Հարցման դեպքում տեղեկատվութուն գտնելու պատասխանատվությունը կրում է այն կայքի տերը, որում այն զետեղված է, իսկ ընկերությունը սոսկ տրամադրում է հղումը:
Եվրամիության դատարանի վճիռը կայացվել է Իսպանիայի քաղաքացու հայցով: Դրան համապատասխան՝ Google-ում նրա անվամբ որոնողական հարցում մտցնելիս կարելի էր տեսնել 1998 թվականի հին հայտարարությունը՝ պարտքերի դիմաց նրա տունը վաճառելու մասին: Ընդամենն Իսպանիայում հարուցվել է շուրջ 180 նման հայց:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
