ՄԱԿ-ի ԱԽ-ն դատապարտել է ֆրանսիացի կին լրագրողի սպանությունը Կենտրոնաֆրիկյան Հանրապետությունում

ՄԱԿ-ի Անվտանգության խորհուրդը դատապարտել է ֆրանսիացի կին լրագրող Կամի Լեպաժի սպանությունը Կենտրոնաֆրիկյան Հանրապետությունում: Այդ մասին ասված է տարածված հայտարարության մեջ:

«Անվտանգության խորհրդի անդամներն ընդգծել են, որ այդ սպանության մեղավորները պետք է ենթարկվեն պատասխանատվության»,- նշվում է ՄԱԿ-ի ԱԽ-ի փաստաթղթում: Այն նաև բովանդակում է ԿԱՀ-ի կառավարությանն ուղղված կոչ՝ հետաքննելու այդ հանցագործությունը և դատի տալու մեղավորներին:

Ինչպես հայտարարվել է Փարիզում, Կամի Լեպաժի մարմինը, առանց կյանքի նշանների, մայիսի 13-ին ֆրանսիացի զինծառայողների կողմից հայտնաբերվել է Բանգի քաղաքից արևմուտք ընկած շրջանում:

Անցյալ տարվա դեկտեմբերի սկզբին ԿԱՀ-ի մայրաքաղաքում բախումներ են տեղի ունեցել «Սելեկա» խմբավորման իսլամիստ զինյալների և նրանց դիմակայող քրիստոնյա ապստամբների միջև: ՄԱԿ-ի տվյալներով՝ հակամարտության ընթացքում մինչև մեկ միլիոն բնակիչներ հարկադրված են եղել լքել իրենց տները, զոհվել է ավելի քան հազար մարդ:

Ներկայումս, ՄԱԿ-ի Անվտանգության խորհրդի բանաձև համաձայն, ԿԱՀ-ում տեղաբաշխված են 1,6 հազար ֆրանսիացի զինծառայողներ և մի քանի հազար աֆրիկացի խաղաղապահներ, հաղորդել է ՌԻԱ Նովոստին: