Ռուսաստանում տաքսու վարորդների զանգվածային ծեծկռտուքի արդյունքում 40 մարդ բերման է ենթարկվել

Մոտ 40 մարդ տեղափոխվել է ոստիկանություն՝ Մոսկվայի օղակաձև ավտոճանապարհին՝ "Садовод" շուկայի մոտակայքում, ծեծկռտուքի մեջ ներգրավված լինելը ստուգելու համար:

Այս մասին պատմել են Մոսկվայի Ներքին գործերի նախարարության Գլխավոր վարչությունից: Առևտրի կենտրոնից հայտնել են, որ շաբաթ օրը երեկոյան շուկայի անվտանգության ծառայությունը միջամտել և դադարեցրել է տաքսու ապօրինի և օրինական վարորդների միջև ծագած վեճը:

Ծեծկռտուքի պատճառը եղել է շուկայի մոտ աշխատելու համար, իսկ անմիջական պատճառն ավտոկայանատեղերն են եղել: Ապօրինի վարորդները, հավանաբար Տաջիկիստանից, սկսել են քարկոծել հակառակորդների մեքենաները: Ծեծկռտուքից հետո չորս մարդ հոսպիտալացվել է, հաղորդում է "Вести ФМ" ռադիոն: