Հարվարդի համալսարանը նվիրատվություն կստանա 350 մլն դոլար

Հարվարդի համալսարանն իր գոյության ողջ պատմության ընթացքում կստանա ամենախոշոր նվիրատվությունը՝ 350 միլիոն դոլար, տեղեկացնում է «Արմենպրես»-ը՝ հղում անելով Reuters գործակալությանը:

Գումարը Morningside հիմնադրամի կողմից կուղարկվի համալսարանի հասարակական առողջապահության ֆակուլտետին (School of Public Health): Նվիրատվությունը կբաշխվի առանց սահմանափակումների, փողերը կարող են ծախսվել ուսանողներին ֆինանսական օգնություն ցուցաբերելու, նրանց կրթական վարկերը ծածկելու վրա, ովքեր աշխատում են անշահութաբեր, ուստի պակաս գրավիչ բնագավառներում, նոր լսարանների վրա և այլն:

Ֆակուլտետի դեկան Ջուլիո Ֆրենկը նշել է, որ նվիրատվությունը, մասնավորապես, կօգտագործվի հետազոտական գործունեության հետևյալ ուղղություններին աջակցելու համար՝ համավարակություն (մալարիայից և էբոլայից մինչև ճարպակալում և քաղցկեղ), առողջությանը սպառնացող բնապահպանական խնդիրներ, պատերազմով կամ տարերային աղետներով պայմանավորված աղքատություն և հումանիտար ճգնաժամեր և առողջապահության համակարգի խնդիրներ:

Morningside Foundation ֆոնդը 1996 թվականին հիմնադրել են Ռոննի և Հերալդ Չան դոկտորները, որոնք իրենց հորից ժառանգել են անշարժ գույքի առք ու վաճառքով զբաղվող հոնկոնգյան Hang Lung Group Ltd խոշորագույն ընկերությունը: 2014 թվականի տվյալներով՝ եղբայրները, Forbes հանդեսի վարկածով, 17-րդ հորիզոնականն են զբաղեցնում են Հոնկոնգի ամենահարուստ մարդկանց ցուցակում, հաղորդել է ՌԻԱ Նովոստին: