Ուկրաինայից Բելառուս գաղթածների թիվը գերազանցել է 25,000-ը
Աշխարհ
Ուկրաինայից Բելառուս գաղթածների թիվը գնալով աճում է, այս մասին հայտնել է Բելառուսում, Մոլդովայում և Ուկրաինայում փախստականների գործով ՄԱԿ-ի գերագույն հանձնակատարի տարածաշրջանային ներկայացուցիչ Օլդրիխ Անդրիսեկը: Այս մասին հաղորդել է «ԻՏԱՌ ՏԱՍՍ»-ի թղթակից Լարիսա Կլյուչնիկովան:
Անցյալ շաբաթ ՄԱԿ-ի ներկայացուցիչը այցելել է Գոմելի և հանդիպել Ուկրաինայի ներգաղթածների հետ: Գոմելի տարածաշրջանում նրանց թիվը 7000-ի է հասել: Նրանք հիմնականում Դոնեցկի և Լուգանսկի շրջանների բնակիչներն են:
Անդրիսեկը նշել է, որ Ուկրաինայից ժամանած քաղաքացիները միշտ չէ, որ դիմում են Բելառուսի փախստականի կարգավիճակը ստանալու համար: Նրա կարծիքով մարդիկ հավանաբար վախենում են, որ փախստականի կարգավիճակը «կընկալվի իրենց երկրում որպես դավաճանություն,նրանք կընկնեն որոշ սև ցուցակների մեջ և իրենց բնակավայրերը կհափշտակվեն»:
Սեպտեմբերի սկզբին Բելառուսի նախագահ Ալեքսանդր Լուկաշենկոն հրամանագիր է ստորագրել, որի միջոցով հեշտացվել է Բելառուս ժամանած Ուկրաինայի քաղաքացիներին հանրային նպաստ տրամադրելու հարցը: Հրամանագիրը հնարավորություն է տալիս Բելառուսում ժամանակավորապես բնակություն հաստատած ուկրաինացիներին ապահովել նախադպրոցական, հատուկ և միջին կրթություն ստանալ:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
