Պորոշենկոն ռադային օրինագիծ կներկայացնի՝ Դոնբասի հատուկ կարգավիճակի մասին
Աշխարհ
Ուկրաինայի նախագահ Պյոտր Պորոշենկոն հայտնել է, որ Դոնբասի տարածաշրջանի հատուկ կարգավիճակի վերաբերյալ օրինագիծը Ռադայի քննարկմանը կներկայացնի հաջորդ շաբաթ, տեղեկացնում է «Արմենպրես»-ը:
«Դոնեցի և Լուգանսկի մարզերի առանձին շրջաններում ժամանակավոր ինքնակառավարման ժամանակավոր կարգի մասին օրենքը հստակորեն նախատեսում է այդ շրջանների կարգավիճակն Ուկրաինայի կազմում, այն հաջորդ շաբաթ կներկայացվի Ուկրաինայի Գերագույն ռադային: Այդ օրենքից է կախված խաղաղության ճակատագիրը, նախագիծը կապահովի այդ շրջանների խաղաղ վերադարձը Ուկրաինայի ինքնիշխանության ներքո»,- ասել է Պորոշենկոն՝ սեպտեմբերի 10-ին ելույթ ունենալով Ուկրաինայի կառավարության ընդլայնված նիստում:
Միևնույն ժամանակ Պորոշենկոն նշել է, որ ինքնահռչակ Դոնեցկի ու Լուգանսկի ժողովրդական հանրապետությունների համար տարածաշրջանների կարգավիճակ է նախատեսվում Ուկրաինայի կազմում, ֆեդերալացման մասին խոսք չկա:
«Ֆեդերալացման կամ օտարման մասին արձանագրության մեջ չի խոսվում: Փաստաթղթում (Մինսկի համաձայնագրում) ԼԺՀ-ի և ԴԺՀ-ի ստեղծում ընդհանրապես չի նախատեսվում: Նախատեսվում է այդ տարածաշրջանների կարգավիճակը Ուկրաինայի կազմում»,- ասել է նա, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
