«Boeing-ը կործանվել է հրթիռի հարվածից». Գեներալ Կամպորինի

Ուկրաինայի Մալայզիական Boeing-ի վթարի մասին հրապարակված նախնական զեկույցի տվյալները վկայում են այն մասին, որ օդանավը հարված է ստացել «земля-воздух» երկրից արձակած հրթիռի հարվածից. չորեքշաբթի օրը ՌԻԱ «Նովոստի»-ին է հաղորդել Իտալիայի զինված ուժերի գլխավոր շտաբի նախկին պետ, գեներալ Վինչենցո Կամպորինին:

«Ես չեմ կարծում, որ կարող է որևէ կասկած լինել: Տեխնիկապես, այս տվյալները վկայում են այն մասին, որ օդանավը հրթիռային հարված է ստացել, որի պայթուցիկը օդանավի մոտակայքում է պայթել, ինչն էլ բնորոշ է «земля-воздух» կարգի հրթիռին»,-ասել է Կամպորինին, ով ներկայումս հանդիսանում է Իտալիայի Միջազգային հարաբերությունների ինստիտուտի փոխնախագահ:

Երեքշաբթի օրը՝ սեպտեմբերի 9-ին, Նիդեռլանդները Մալայզիական Boeing-ի վթարի մասին նախնական զեկույց են հրապարակել, որը 298 մարդու կյանք է խլել: Փորձագետները հաստատել են, որ ինքնաթիռը փլուզվել է «կառուցվածքային պատճառների հետևանքով, որոնք առաջացել են բազմաթիվ բարձր էներգետիկ օբյեկտների արտաքին ազդեցության հետևանքով», սակայն այդ օբյեկտների աղբյուրը դեռևս չի հաջողվել հայտնաբերել:

Կամպորինիի խոսքերով անշուշտ հնարավոր է պարզել, թե որտեղից է արձակվել հրթիռը:Դրա համար կպահանջվի օդանավի փլատակների մանրակրկիտ ուսումնասիրությունը:

Փորձագետը նշել է, որ հազիվ թե Մալայզիական օդանավի վթարի վերաբերյալ հրապարակված տվյալները ընդհանուր քաղաքական առումով կարողանան ազդել Ուկրաինայում տիրող իրավիճակի վրա, ինչպես նաև փոխել բանակցային գործընթացը: Զեկույցը կօգնի միայն հասկանալ, թե ինչ է իրականում տեղի ունեցել օդանավի հետ:

MH17-ը Ամստերդամից Կուալա Լումպուր թռիչկի ժամանակ, վթարի է ենթարկվել հուլիսի 17-ին Դոնեցկի մարզում: Կիևի իշխանությունները վթարի մեջ մեղադրել են զինյալներին, սակայն վերջիններս հայտնել են, որ չունեն այն բոլոր ռեսուրսները, որոնք թույլ կտային պարզաբանել, թե ինչ է իրականում տեղի ունեցել օդանավի հետ: