Կիևը խոստանում է ընդունել Մինսկի արձանագրության դրույթները

Մինսկի արձանագրությունը, որը թույլ է տալիս Դոնբասում հրադադար հայտարարել, ստորագրվել է անցյալ շաբաթ: Բացի կրակի դադարեցման պարտավորությունից, փաստաթուղթը պարունակում է նաև Ուկրաինայում իշխանության ապակենտրոնացմանը և Դոնեցկի ու Լուգանսկի Ժողովրդական Հանրապետություններին հատուկ կարգավիճակ տրամադրելու մի շարք դրույթներ: Այս մասին հայտնում է ՌԻԱ «Նովոստի»-ն:

Սակայն հակամարտության կողմերից արված հայտարարությունները վկայում են այն մասին, որ նրանցից յուրաքանչյուրը արձանագրության դրույթները իրենց ձևով են մեկնաբանում, իսկ հաշտության ժամանակահատվածը Կիևն ու աշխարհազորայինները մտադիր են օգտագործել պաշտպանական դիրքերի ամրապնդման համար: