Microsoft ընկերության համահիմնադիրը պայքարում է Էբոլա վիրուսի դեմ

Microsoft ընկերության համահիմնադիրներից մեկի՝ Պոլ Ալլենի բարեգործական հիմնադրամը, հինգշաբթի օրը հայտնել է, որ 9 միլիոն դոլար կտրամադրի ԱՄՆ-մ բռնկված Էբոլա տենդի դեմ պայքարելու համար. հաղորդել է իրավիճակին ծանոթ աղբյուրներից մեկը: Այս մասին հայտնել է «Вести.Ru»  ռուսական ծառայությունը:

Հիվանդությունների վերահսկման և կանխարգելման կենտրոնին մատուցած այս նվերը արվել է այն պահին, երբ միջազգային խմբերը, ներառելով «բժիշկներ առանց սահմանի» և Համաշխարհային Առողջապահության կազմակերպությունները, հայտնել են, որ համաճարակի դեմ պայքարելու և հիվանդների բուժման համար նախատեսված ռեսուրսները գրեթե սպառված են:

Անցյալ տարի Ալլենի հիմնադրամը Ամերիկյան Կարմիր Խաչին է տրամադրել 2.8 միլիոն դոլար՝ բռնկված Էբոլա համաճարակի դեմ պայքարելու համար: Չորեքշաբթի օրը Bill & Melinda Gates հիմնադրամը ՄԱԿ-ի գործակալություններին և այլ միջազգային խմբերին է փոխանցել 50 միլիոն դոլար այնպիսի անհրաժեշտ իրերի ձեռքբերման համար, ինչպիսիք են պաշտպանիչ սարքավորումներ Էբոլա տենդով վարակված հիվանդների հետ աշխատողների համար:

ԱՄՆ նախագահ Բարաք Օբաման Կոնգրեսին խնդրել էր տրամադրել 88 միլիոն դոլար Էբոլա վիրուսի պայքարի դեմ, որից 25 միլիոն դոլարը նախատեսված է Հիվանդությունների վերահսկման և կանխարգելման կենտրոնին տրամադրելուն: Սակայն այս շաբաթ կոնգրեսականները հայտարարել են, որ չեն կարող հատկացնել 40 միլիոն դոլարից ավելի գումար: