Վիճակագրություն. Ռոնալդուն` Չեմպիոնների լիգայում դեպի դարպասը ամենաշատ հարված կատարած ֆուտբոլիստ

Ստորև ներկայացնում ենք Չեմպիոնների լիգայի խմբային փուլի 5 տուրերի վիճակագրական մի շարք տվյալներ:

Հինգ տուրերից հետո մրցաշարի լավագույն ռմբարկուն «Շախտյորի» հարձակվող Լուիս Ադրիանոն է՝ 9 գոլ: Գոլային լավագույն փոխանցում կատարողներն են Կոկեն («Ատլետիկո») և Սես Ֆաբրեգասը («Չելսի»)՝ 4-ական գոլային փոխանցում:

Դեպի դարպասը ամենաշատ հարված կատարած ֆուտբոլիստը Ռոնալդուն է («Ռեալ»)՝ 34 հարված, ամենաշատ փոխանցումը կատարել է Խաբի Ալոնսոն («Բավարիա»)՝ 493 (ճշգրտությունը՝ 92%): Կոկեն ամենաշատն է վազել՝  62 կմ: Մրցակցի նկատմամբ ամենաշատ խախտում կատարած ֆուտբոլիստներն են Բենդերը  և Կիսլինգը («Բայեր») ՝ 17-ական խախտում:

Ամենաշատ խախտումը կատարվել է Էդեն Ազարի («Չելսի») նկատմամբ՝ 19: