Գիտնականները հայտնաբերել են անտեսանելի վահան, որը Երկրագունդը պաշտպանում է մարդասպան-էլեկտրոններից
Գիտություն և Մշակույթ
Երկիր մոլորակի մակերևույթից մոտավորապես 11,5 հազար կիլոմետր բարձրության վրա գոյություն ունեցող անտեսանելի վահանը կանգնեցնում է Վան Ալենի գոտուց գերարագ էլեկտրոնների հոսքը, որոնք հայտնի են «մարդասպան-էլեկտրոններ» անվանումով: Այս հայտնագործությունը կատարել են Կոլորադոյի համալսարանի գիտնականները, որոնք աշխատում են մթնոլորտի և տիեզերքի ֆիզիկայի Բոուլդերի լաբորատորիայում, տեղեկացնում է «Արմենպրես»-ը՝ հղում անելով Nature-ին:
Առեղծվածային արգելքը, որը խանգարում է վնասաբեր մասնիկների ներթափանցմանը մթնոլորտ, հիշեցնում է «Աստեղային ճանապարհի» տեխնոլոգիաները, նշում են ամերիկյան լրատվամիջոցները:
1958 թվականին հայտնաբերվել են Վան Ալենի ճառագայթումային գոտիները: Դրանք բարձր էներգիայի մասնիկների երկու օղակներ են, որոնք Երկիրը գոտևորում են նրա մակերևույթից շուրջ 40 հազար կիլոմետր հեռավորության վրա: Ներքին գոտին լի է բարձր էներգիայի պրոտոններով, իսկ արտաքինը՝ էլեկտրոններով:
Վան Ալենի գոտու բարձր էներգիայով օժտված էլեկտրոնները կարող են վնաս հասցնել ուղեծրային արբանյակների համակարգերին և նույնիսկ, ինչպես կարծում են հետազոտողները, վնասել տիզերագնացների առողջությանը, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
