Երաժիշտ Էդ Շիրանի ալբոմը ամենաշատ վաճառվողն է դարձել Մեծ Բրիտանիայում
Գիտություն և Մշակույթ
Բրիտանացի երաժիշտ Էդ Շիրանի վերջին ալբոմը՝ «X»-ը, Միացյալ Թագավորությունում իրացվել է 1 մլն օրինակով: Ինչպես հայտնել է Չարտերի պաշտոնական ընկերությունը (Official Charts Company - OCC), որն ամփոփում է բրիտանական երաժշտական շուկայում կատարվող վաճառքները, Էդ Շիրանի սկավառակը երկու տարվա ընթացքում առաջին անգամ է հասել այդ ցուցանիշին:
Շիրանի երկրորդ ալբոմը թողարկվել է ընթացիկ տարվա հունիսի 20-ին և կես տարուց էլ պակաս ժամանակաշրջանում դարձել ամենաշատ վաճառվողը Մեծ Բրիտանիայում: Նա կրկնել է երկու տարի առաջ բրիտանուհի Էմիլի Սանդեի թողարկած Our Versions of Events ալբոմի հաջողությունը:
«X» հավաքածուն մի քանի շաբաթ տարբեր բրիտանական չարտերի առաջին հորիզոնականներում էր: Մասնագետները վստահ են, որ մինչև 2014 թվականի վերջը կվաճառվի ևս 200 հազար օրինակ:
Ուշագրավ է, որ 2011 թվականին միանգամից չորս ռելիզներ վաճառվել են 1 միլիոն օրինակով, մասնավորապես, Ադելի երկու սկավառակները՝ 21-ը և 19-ը, Մայքլ Բաբլի Christmas-ը, ինչպես նաև Բրունո Մարսի Doo Wops & Hooligans-ը, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
