Առողջապահության նախարարը մանրամասներ է ներկայացրել մանկապարտեզում արձանագրված թունավորման դեպքի վերաբերյալ
Հասարակություն
ՀՀ առողջապահության նախարար Արմեն Մուրադյանն ՀՀ կառավարության մամուլի կենտրոնում այսօր կայացած ասուլիսում անդրադարձել է Եղվարդի մանկապարտեզում նոյեմբերի 28-ին արձանագրված թունավորման դեպքին: Նա նշել է, որ դեպքի հետագա տարածումը կանխելու նպատակով ձեռնարկվել են մի շարք բուժական, կանխարգելիչ, հակահամաճարակային միջոցառումներ:
Ա. Մուրադյանը տեղեկացրել է, որ ընդհանուր առմամբ հոսպիտալացվել է 86 հիվանդ: Գրեթե բոլոր երեխաներն արդեն դուրս են գրվել հիվանդանոցից. այս այս պահին բուժում է ստանում 2 երեխա Նորքի սուր վարակիչ հիվանդանոցում, 4-ը երեխա և մեկ մեծահասակ' Եղվարդի հիվանդանոցում:
Ա.Մուրադյանը նշել է, որ ուսումնասիրությունների արդյունքում հաստատվել է դիզինտերիա հիվանդությունը: Նախարարի պարզաբանմամբ' դիզենտերիան բժշկության մեջ հայտնի է նաև որպես «կեղտոտ ձեռքերի» հիվանդություն, որը հիմնականում հանդիպում է կենցաղային պայմաններում:
Դեպքի առթիվ հարուցվել է քրեական գործ: Վարակի աղբյուրի բացահայտման նպատակով համատեղ աշխատանքներ են իրականացվում պատկան մարմինների հետ: Ա. Մուրադյանը նշել է նաև, որ աշխատանքները շարունակվում են, երեխաները գտնվում են մասնագետների հսկողության ներքո:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
