Գիտնականները կանխատեսել են Շանհայի ու Բանգկոկի ամբողջովին ջրի տակ անցնելը

Օվկիանոսագիտության վուդսհոլյան ինստիտուտի պրոֆեսոր Լիվիու Ջիոսանը հայտարարել է, որ եկող դարում Յանցզի, Չաուպհրայա և Գանգես գետերի գետաբերանները կարող են անհետանալ ծովի մակարդակի աստիճանաբար բարձրացման պատճառով: Այս մասին գրել է Газета.Ru-ն:

Դրա հետևանքով ամբողջովին ջրի տակ կանցնեն Շանհայ, Բանգկոկ և Դաքքա քաղաքները:

Nature ամսագիրն իր հերթին նշել է, որ աշխարհի խոշորագույն գետերի գետաբերանները գլոբալ տաքացման ու մարդու գործունեության հետևանքով արդեն մի քանի տասնամյակ անց ջրի տակ կանցնեն: