Նրանք դեմ են ԵՏՄ-ին
Քաղաքական
Ազգային ժողովում այսօր քվերակության դրվեց «2014թ. հոկտեմբերի 10-ին Մինսկում ստորագրված «Հայաստանի Հանրապետության` «Եվրասիական տնտեսական միության մասին» 2014 թ. մայիսի 29-ի պայմանագրին միանալու մասին» պայմանագիրը:
Կայացած քվեարկությանը դեմ է քվեարկել 7 պատգամավոր՝ ՀԱԿ խմբակցության պատգամավոր Նիկոլ Փաշինյանը, անկուսակցական Էդմոն Մարուքյանը, «Ժառանգություն» խմբակցությունից Զարուհի Փոստանջյանը, Թևան Պողոսյանը, Ռուբիկ Հակոբյանը, Ալեքսանդր Արզումանյանը, Խաչատուր Քոքոբելյանը:
Միակ ձեռնպահ պատգամավորը եղել է ՀՅԴ խմբակցության պատգամավոր Աղվան Վարդանյանը, իսկ պատգամավորներ Հրանտ Բագրատյանը, Վահե Էնֆիաջյանը, Հայկ Խաչատրյանը, Կարո Կարապետյանը, Արայիկ Աղաբաբյանը, Վահան Կարապետյանը, Արա Արամյանը, Լյովա Խաչատրյանը, Սպարտակ Մելիքյանը, Առաքել Մովսիսյանը, Վահե Հովհաննիսյանը, Էլինար Վարդանյանը չեն մասնակցել քվեարկությանը:
Եվրասիական տնտեսական միության պայմանագրին Հայաստանի միանալու պայմանագիրը Սերժ Սարգսյանը ստորագրել է 2014թ. հոկտեմբերի 10-ին Մինսկում: Այն ուժի մեջ կմտնի 2015թ. հունվարի 2-ին, երբ միության անդամ բոլոր երկրների խորհրդարանները կվավերացնեն ԵՏՄ-ին Հայաստանի անդամակցության պայմանագիրը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
