Հայ շախմատիստները` միջազգային մրցաշարերում

Հայ գրոսմայստերները Վեյկ ան Զեեում

2015 թ. հունվարի 9-ին Հոլանդիայի Վեյկ ան Զեե քաղաքում սկսվելիք Տատա Սթիլ ավանդական փառատոնի կազմակերպիչները հրապարակեցին B մրցաշարի (ՙհավակնորդներ՚) մասնակիցների կազմը: Հեղինակավոր այս մրցաշարին մասնակցելու հրավեր է ստացել նաև մեր հայրենակից գրոսմայստեր Սամվել Սևյանը, որի 14-ամյակը կլրանա այս տարվա դեկտեմբերի 26-ին: Սևյանի մրցակիցների մեջ կլինեն, մասնավորապես, գրոսմայստերներ Նավարան, Վեյ Յին, Շանկլանդը, Լ’Ամին, Պոտկինը, Վան Կամպենը, Թիմանը:

Հիշեցնենք, որ ավելի վաղ հայտնի էր դարձել գլխավոր մրցաշարի կազմը: Այստեղ Լևոն Արոնյանի մրցակիցները կլինեն աշխարհի չեմպիոն Կարլսենը, գրոսմայստերներ Կարուանան, Գիրին, Սոն, Վաշիե-Լագրավը, Դին Լիրենը, Ռաջաբովը, Իվանչուկը, Ջոբավան, Շարիչը, Հոու Յիֆանը, Վան Վելին:

Հայ գրոսմայստերները Դոհայում

Քաթարի մայրաքաղաք Դոհայում ավարտված օփենում գրոսմայստերներ Սերգեյ Մովսիսյանը և Վլադիմիր Հակոբյանը 9 հնարավորից վաստակեցին 6-ական, Հրանտ Մելքումյանը և Հովհաննես Գաբուզյանը` 5,5-ական, Գաբրիել Սարգսյանը` 5, Ռոբերտ Հովհաննիսյանը և Էլինա Դանիելյանը` 4,5-ական միավոր:

7,5 միավորով մրցաշարի հաղթող դարձավ գրոսմայստեր Յու Յանգին (Չինաստան). տեղեկացնում է armchess.am-ը: