Ավերիչ երկրաշարժի 26-րդ տարելիցը նշվեց նաեւ Էջմիածնում
Հայաստան
1988 թվականի ավերիչ երկրաշարժի 26-րդ տարելիցը նշվեց նաեւ Էջմիածնում: Ավանդույթի համաձայն՝ քաղաքի ողջ ակտիվը՝ հասարակական, քաղաքական կազմակերպությունների, հիմնարկ-ձեռնարկությունների, կրթօջախների ներկայացուցիչներ՝ քաղաքապետ Կարեն Գրիգորյանի նախաձեռնությամբ, այցելեց աղետի ենթարկված սերբ օդաչուների պատվին կանգնեցված հուշարձանին:
Հիշենք, որ երկրաշարժից հետո վիրավոր Հայաստանին օգնության ձեռք էր մեկնել ողջ քաղաքակիրթ մարդկությունը, բարի կամքի տեր բոլոր մարդիկ: Սերբ օդաչուներն էլ շտապում էին օգնության աղետյալ Հայաստանին, սակայն իրենք էլ վթարվեցին՝ Զվարթնոց օդանավակայանից մի քանի կիլոմետր հեռավորության վրա: Երախտապարտ հայ ժողովուրդը հենց վթարված օդանավի կմախքից հուշարձան կառուցեց աղետյալ օդաչուների պատվին՝ նրանց մարմիններն էլ հուղարկավորելով հենց վթարի վայրում՝ Երեւան-արմավիր ավտոճանապարհի ձախակողմյան հատվածում:
Էջմիածնի քաղաքապետ Կարեն Գրիգորյանը նշեց, որ հարգելով սերբ օդաչուների հիշատակը՝ այս կերպ Էջմիածնի հանրությունը նաեւ հարգանքի տուրք է մատուցում 1988-ի երկրաշարժի բոլոր անմեղ զոհերին:
Միջոցառմանը ներկա էր նաեւ ԵԿՄ վարչության նախագահ, Արցախի հերոս Մանվել Գրիգորյանը, ով մեկ անգամ եւս կրկնեց, որ ամեն տեսակի մարտահրավերներին դիմակայելու համար հայ ազգին միասնականություն է հարկավոր:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
