Հայ գործարարները կարող են Ուրուգվայում ներդրումներ կատարելու լավ հնարավորություն ունենալ
Տնտեսություն
Հայ գործարարները կարող են լավ հնարավորություններ ունենալ Ուրուգվայում ներդրումներ կատարելու համար: Ազգային ժողովում կայացած մամուլի ասուլիսի ընթացքում նման կարծիք հայտնեց Ուրուգվայի փոխնախագահ, Սենատի նախագահ Դանիլո Աստորին: «Ուրուգվայը ներդրումներ կատարելու լայն հնարավորություններ է տալիս ենթակառուցվածքների ոլորտում, և մենք վստահ ենք, որ Հայաստանի գործարանները նույնպես կարող են Ուրուգվայում ներդրումներ կատարելու լավ հնարավորություններ ունենալ: Խոսքը տրանսպորտի, հեռահաղորդակցության, նավահանգստային ծառայությունների և էներգետիկայի ոլորտների մասին է»,- «Արմենպրես»-ի հաղորդմամբ՝ նշեց նա:
Աստորին օրինակ բերեց արգենտինահայ հայտնի գործարար Էդուարդո Էռնեկյանին, ով Ուրուգվայում խոշոր ներդրող է: «Էռնեկյանն է կառուցել Ուրուգվայի հիմնական օդանավակայանը: Սա վառ օրինակ է Ուրուգվայի ենթակառուցվածքներում ներդրումներ կատարելու»,- ասաց Ուրուգվայի փոխնախագահը:
Նա ընդգծեց, որ Ուրուգվայը վերը նշված ոլորտներում խթանում է ներդրումների իրականացումը՝ հարկային արտոնություններ տրամադրելու եղանակով: Աստորին հավելեց, որ հարկային արտոնությունների տրամադրման քաղաքականությունը զգալիորեն ակտիվացրել է երկիր օտարերկրյա ներդրումների հոսքը:
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
