Հոլիվուդի «Փառքի ծառուղում» հայտնվել է ռեժիսոր Փիտեր Ջեքսոնի անվանական աստղը
Գիտություն և Մշակույթ
Հոլիվուդի «Փառքի ծառուղում» հայտնվել է ռեժիսոր Փիտեր Ջեքսոնի անվանական աստղը: Այն դարձել է թվով 2538-րդը հռչակավոր ճեմուղում, որտեղ ամեն տարի միլիոնավոր զբոսաշրջիկներ են այցելում ամբողջ աշխարհից, տեղեկացնում է «Արմենպրես»-ը:
Ջեքսոնը պատմել է, որ առաջին անգամ Լոս Անջելես է այցելել 12 տարեկանում և արդեն այն ժամանակ երազում էր կինո նկարահանել: «Ես անցել եմ այս փողոցով, դիտել բոլոր աստղերը, այն ժամանակ նույնիսկ իմ ամենահամաձակ երազում ես չէի կարող ենթադրել, թե մի օր այստեղ կգտնեմ իմ սեփական աստղը»,- ասել է նա:
Ջեքսոնը համաշխարհային ճանաչում է ստացել Ջ. Թոլկինի «Մատանիների տիրակալը» ստեղծագործության մոտիվներով նկարահանած կինոեռերգության համար: Նրա ակտիվում կան բազմաթիվ հեղինակավոր պարգևներ, ներառյալ երեք «Օսկար» մրցանակները:
Հոբիտների մասին 2001 – 2003 թվականներին էկրան բարձրացած ֆիլմերը, փորձագետների տվյալներով՝ դարձել են 21-րդ դարի սկզբի գլխավոր կինեմատոգրաֆիական իրադարձությունը՝ նվաճելով ԱՄՆ-ի Կինոարվեստի ակադեմիայի 17 ոսկե ասպետներ, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
