«168 Ժամ». ՀՀԿ, ԲՀԿ, ՕԵԿ, ՀԱԿ, ՀՅԴ հպատակի հոգեբանություն կրողներն են

ՀՀԿ-ն, «Բարգավաճ Հայաստանը», «Օրինաց Երկիրը», ՀԱԿ-ը, Դաշնակցությունը և արտախորհրդարանական բազմաթիվ ուժեր քարշ գալու, հպատակի հոգեբանություն կրողներն են, պարզապես Մհեր Սեդրակյանն անկեղծ ասել է՝ ինչ մտածում է, իսկ մյուսները՝ ոչ: «168 Ժամ» թերթի հետ հարցազրույցում այսպիսի կարծիք է հայտնել Հայաստանի Հելսինկյան կոմիտեի նախագահ Ավետիք Իշխանյանը՝ անդրադառնալով ԱԺ-ում ԵՏՄ պայմանագրի վավերացմանը:

Ըստ նրա՝ այս մտածողությունն է պատճառը, որ Հայաստանի իշխանություններն ու քաղաքական վերնախավն այդպես էլ պատասխանատվություն չվերցրին իրենց վրա պետության համար և երկրի անվտանգությունը նվիրեցին այլ պետության: Հակադարձելով այն տեսակետին, որ՝ «եթե ռուսը չլինի, մեզ կկոտորեն», Ա.Իշխանյանը հիշեցրեց Սարդարապատի ճակատամարտը, երբ մենք մենակ էինք և հաղթանակ տարանք, որովհետև հույսը դրեցինք մեր սեփական ուժերի վրա. «Կուզենայի նաև հիշեցնել մեր քաղաքական ուժերին Հայաստանի 1-ին հանրապետության հիմնադիր Արամ Մանուկյանի խոսքերը՝ «մենք մենակ ենք և հույսը պետք է դնենք միայն մեզ վրա. հայերով ոչ ոք չի հետաքրքրվում, և եթե կարող ենք հաղթել, ապա միայն սեփական ուժերով»: Այս ամենը մոռացվեց, և մենք կրկին ընկանք էն հի՜ն մտածողության գիրկը»:

Շարունակությունը` թերթի այսօրվա համարում: