Ակցիայի մասնակիցներին թույլ չտրվեց մոտենալ ոստիկանության շենքին (լրացված)

Քիչ առաջ Ավետիք Իսահակյանի արձանի մոտից մեկնարկեց «Բողոքի երթ՝ ընդդեմ պետական ահաբեկչության» նախաձեռնության կազմակերպած բողոքի երթը։ Մասնակիցներն իրենց բողոքն են արտահայտում վերջին օրերին ազատամարտիկների և քաղաքական գործիչների նկատմամբ բռնությունների առնչությամբ՝ մեղադրելով իշխանություններին:

Քաղաքացիները բողոքի երթով գնացին ոստիկանության շենքի մոտ, սակայն ոստիկաններն, առանց բացատրության, այդպես էլ չթողեցին մասնակիցներին մոտենալ շենքին:

Ակցիայի մասնակիցները զանգահարել են ՄԻՊ արագ արձագանքման բաժին: ՄԻՊ ներկայացուցիչն այս պահին բանակցում է ոստիկանների հետ:

ՄԻՊ ներկայացուցչին ոստիկանությունից պարզաբանել են, որ ակցիայի մասնակիցները ագրեսիվ են տրամադրված, այդ պատճառով թույլ չեն տալիս մոտենալ շենքին: