Հայ շախմատիստները՝ միջազգային մրցաշարերում

Հովհաննես Գաբուզյանը՝ Իտալիայում

Գրոսմայստեր Հովհաննես Գաբուզյանը Իտալիայի Միլան քաղաքում անցկացված Կրեսպիի հուշամրցաշարում 9 հնարավորից վաստակեց 5,5 միավոր և 28 մասնակիցների մեջ գրավեց չորրորդ տեղը: 7 միավորով մրցաշարի հաղթող դարձավ գրոսմայստեր Էդուարդաս Ռոզենտալիսը (Լիտվա):

Իսկ այժմ Գաբուզյանը մասնակցում է Իտալիայի մեկ այլ քաղաքում՝ Պադովայում սկսված օփենին: Երկու տուրից հետո Հովհաննեսը վաստակել է 2 միավոր և յոթ այլ շախմատիստների հետ գլխավորում է աղյուսակը:

 Լիլիթ Մկրտչյանը՝ Վրոցլավում

Գրոսմայստեր Լիլիթ Մկրտչյանը Լեհաստանի Վրոցլավ քաղաքում շրջանային կարգով անցկացվող կանանց մրցաշարում վեց տուրից հետո 4 միավորով գլխավորում է աղյուսակը:

 Վարուժան Հակոբյանի հաղթանակը

Գրոսմայստեր Վարուժան Հակոբյանը ԱՄՆի Լոուրենս քաղաքում անցկացված մրցախաղում 4,5:1,5 հաշվով պարտության մատնեց ամերիկացի գրոսմայստեր Խուլիո Բեքերային. տեղեկացնում է armchess.am-ը: