«ՀԺ». Հայաստանում մի քանի ամսական աղջիկ երեխայի մոտ «հղիություն» է հայտնաբերվել. պտուղը պտղի մեջ է եղել
Հայկական Մամուլ
«Հայկական ժամանակ» թերթը տեղեկություններ էր ստացել, թե «Արաբկիր» բժշկական կենտրոնում մի քանի ամսական աղջիկ երեխայի մոտ հղիություն է հայտնաբերվել: Ծնողները բուժկենտրոն են դիմել այն բանից հետո, երբ երեխայի որովայնի մեծացում են նկատել:
«Արաբկիր» բ/կ գիտական ղեկավար Արա Բաբլոյանը, մեր թղթակցի հետ զրույցում հաստատելով փաստը, ճշտել է, որ երեխայի հետ տեղի ունեցածը չի կարելի որակել հղիություն. «Դա, կարելի է ասել, մի քանի տասնյակ հազար ծնունդներից մեկի մոտ լինում է, որ պտուղը պտղի մեջ է լինում, այսինքն զույգ է բեղմնավորվել, բայց 2-րդ պտուղը հայտնվել է առաջին երեխայի որովայնի մեջ: Ու վիրահատության ժամանակ պարզվել է, որ անհաս, ոչ ճիշտ կազմավորված պտղի հատված է մարմնով, ոտքերով, բայց առանց գլխի: Դա շատ ունիկալ դեպք է, ու այո, Արաբկիր բժկական կենտրոնի համապատասխան բժիշկները դա պատրաստվում են ներկայացնել միջազգային բժշկական հանրությանը, որովհետու դա շատ եզակի դեպք է, որպեսզի մարդիկ իմանան, որ նման բաներ լինում են: Բարեբախտաբար, ամեն ինչ նորմալ է, հիմնական երեխան լավ է»,- ասել է Արա Բաբլոյանը»։
Շարունակությունը՝ թերթի այսօրվա համարում
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
