Օբաման արգելել է ամերիկյան ապրանքների և ծառայությունների արտահանումը Ղրիմ
ԱՄՆ
ԱՄՆ նախագահ Բարաք Օբաման ուրբաթ օրը Ռուսաստանի դեմ նոր պատժամիջոցների մասին հրամանագիր է ստորագրել: Ինչպես նշվում է Սպիտակ տան հատուկ հաղորդագրության մեջ, փոստաթուղթն արգելք է սահմանում Ղրիմի հետ տնտեսական հարաբերություններին: Այս մասին հայտնել է ՏԱՍՍ-ը:
Հրամանագրի համաձայն՝ արգելվում է «ամերիկյան ապրանքների, տեխնոլոգիաների և ծառայությունների արտահանումը Ղրիմ», ինչպես նաև Ղրիմից ապրանքների և ծառայությունների ներմուծումն ԱՄՆ:
Արգելք է սահմանվում թերակղզու տարածքում ամերիկյան ներդրմանը, «պատժամիջոցներ են սահմանվում անհատների և Ղրիմի կազմակեպությունների» նկատմամբ:
Ղրիմի հանդեպ ԱՄՆ նախագահի նոր հրամանագիրն արգելում է այն անձանց մուտքը Միացյալ Նահանգներ, ովքեր ենթարկվում են այդ տնտեսական և առևտրային սահմանափակումներին:
ԱՄՆ վարչակազմի համաձայն' այդ հրամանագիրը պետք է համապատասխան ազդանշան տա ամերիկյան բիզնեսին և հաստատի, որ Միացյալ Նահանգները չի ճանաչում Ղրիմի' Ռուսաստանին միանալու փաստը: Օբաման հայտարարել է, որ ևս մեկ անգամ կոչ է անում Ռուսաստանի Դաշնությանը դադարեցնել «Ուկրաինայի արևելքում անջատողականներին աջակցելը և կատարի իր պարտավորությունները Մինսկի համաձայնագրերի համաձայն»:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
