Կարեն Բեքարյանը չի բացառում Ադրբեջանի՝ ԵՏՄ-ին անդամակցելու ցանկություն ունենալու հնարավորությունը
Արտաքին Քաղաքական
«Եվրոպական ինտեգրացիա» հասարակական կազմակերպության նախագահ, քաղաքագետ Կարեն Բեքարյանը չի բացառում, որ Եվրասիական տնտեսական միության անդամ երկրներից որևէ մեկը ցանկացել է Ադրբեջանին տեսնել միության կազմում և այդ ուղղությամբ Ադրբեջանի հետ բանակցություններ ընթացել են: Դեկտեմբերի 22-ին լրագրողների հետ հանդիպմանը քաղաքագետն ընդգծեց, որ այս դեպքում Ադրբեջանի համար շատ դժվար է նման ընտրություն կատարել՝ հաշվի առնելով վերջինի տնտեսական հնարավորությունները և իր իսկ ներքին զգացողությունը իր դերի և նշանակության մասին:
«Այսինքն՝ Ադրբեջանը, լինելով հանքահումքային երկիր, Եվրասիական տնտեսական միության անդամ երկրների հետ փոխլրացման շատ քիչ տարրեր ունի: Հետևաբար, պետք է Ադրբեջանն ունենար այն տպավորությունը, որ Եվրասիական տնտեսական միությանն անդամակցելու պարագայում կարող էին տնտեսական շահեր հատվել, և իր համար շատ դժվար իրավիճակ կարող էր ստեղծվել»,- «Արմենպրես»-ի հաղորդմամբ՝ նշեց Բեքարյանը:
Քաղաքագետն ընդգծեց նաև, որ սա չի նշանակում, թե Ադրբեջանը երբևէ Եվրասիական տնտեսական միությանն անդամակցելու ցանկություն չի հայտնելու: «Քաղաքական կոնյունկտուրան, զարգացումները կարող են Ադրբեջանի մեջ նման ցանկություն առաջացնել»,- նշեց նա:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
