Ադրբեջանը հրաժարվել է ստորագրել ՄԱԿ-ի զենքի առևտրի մասին համաձայնագիրը

Այսօր ուժի մեջ է մտնում Զենքի առևտրի մասին ՄԱԿ-ի համաձայնագիրը:

Այս մասին, ինչպես հաղորդում է «Արմենպրես»-ը, ասվում է Twitter-ի ՄԱԿ-ի էջում:

Axar.az-ը հայտնում է, որ Ադրբեջանը հրաժարվել է միանալ այդ համաձայնագրին և չի ստորագրել այն:

ՄԱԿ-ը հայտնում է, որ համաձայնագիրն ուժի մեջ է մտել 50 երկրների կողմից վավերացվելուց 3 ամիս հետո: Ներկայում այդ համաձայնագիրն արդեն ստոագրել են 60 երկրներ: Հետխորհրդային տարածքից համաձայնագիրը ստորագրել են Վրաստանը, Լատվիան, Լիտվան, Մոլդովան, Ուկրաինան և Էստոնիան: Կոնվենցիան հաստատել են նաև աշխարհում 10 ամենաշատ զենք արտահանող երկրներից 5-ը` Ֆրանսիան, Իտալիան, Իսպանիան, Մեծ Բրիտանիան և Գերմանիան:

Համաձայնագիրը ստորագրվել է 2013 թվականի հունիսի 4-ին` Նյու Յորքում: Համաձայնագիրը նախատեսված է աշխարհում զենքի ապօրինի շրջանառությունը կանխելու համար: Փաստաթուղթը նաև սահմանում է սովորական զենքի արտահանման մեջ նոր չափանիշները: