Հայաստանի ռուսական ռազմակայանում վերսկսվել են անօդաչու թռչող ապարատների հետախուզական թռիչքները

Հայաստանի ռուսական ռազմակայանում սկսվել են արտակարգ պայմաններում անօդաչու թռչող ապարատների թռիչքները: Այդ մասին «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից:

«Հայաստանի ռուսական ռազմակայանում նախապատրաստական շրջանում կանոնակարգային աշխատանքներից հետո վերսկսվել են «Նշանառու-2» համալիրի «Լեեր», «Գրանտ» և «Զաստավա» արդի անօդաչու թռչող ապարատների թռիչքները: Ուսուցման ձմեռային շրջանում անօդաչուների շահագործումը կիրականացվի արձակման արտակարգ կլիմայական պայմաններում՝ 1600-ից մինչև 2200 մետր բարձրություններում, ըստ Ցելսիուսի -5-ից մինչև -30 աստիճան ջերմաստիճանային ռեժիմներում»,- ասված է հաղորդագրության մեջ:

Անօդաչուները հետախուզական թռիչքներն իրականացնում են ցերեկը և գիշերը՝ ավելի քան 3500 մետր բարձրության վրա և կարող են միաժամանակ հետևել մի քանի թիրախների, ըստ որում դրանց թռիչքների բնորոշ առանձնահատկությունը լիակատար անկախությունն է ցամաքից:

Անօդաչուների արձակումները կատարվում են «Կամխուտ» և «Ալագյազ» բարձրլեռնային ուսումնավարժական համալիրներում: Ուսուցման անցած շրջանում «Նշանառու-2» անօդաչու թռչող ապարատների արդի համալիրի յուրաքանչյուր ինքնաթիռ կատարել է ավելի քան 250 ժամ թռիչքներ բարձրլեռնային և շոգ կլիմայի պայմաններում: