«Սպարտակ»-ի նախագահների խորհրդի անդամ Ջևան Չելոյանցն ամփոփում է տարին

Մոսկվայի «Սպարտակ»-ի նախագահների խորհրդի անդամ Ջևան Չելոյանցը ամփոփել է անցնող տարին:

«Սպարտակ»-ի համար 2014 թվականի կարեւորագույն իրադարձությունը սեփական մարզադաշտի շահագործումն էր: Ցավալի է, որ, բացի դրանից, ուրիշ այլ բան չեմ կարող առանձնացնել: Ակումբն ունի մեծ նպատակներ: «Սպարտակ»-ի սեփականատեր Լեոնիդ Ֆեդունը շեշտել է, որ թիմն ամենաքիչը պետք է նվաճի Չեմպիոնների լիգայի ուղեգիր: Հիմա բարդ խնդրի առաջ ենք կանգնած: «Սպարտակ»-ում աշխատում են լավատեսորեն տրամադրված ղեկավարներ»,-«Արմենպրես»-ի հաղորդմամբ, Չելոյանցի խոսքը մեջբերում է r-sport կայքը:

Մոսկվայի «Սպարտակ»-ը Ռուսաստանի առաջնության 17-րդ տուրից հետո զբաղեցնում է 6-րդ հորիզոնականը: