Հասարակությունն այսօր սպասում է իշխանափոխության
Քաղաքական
«Ե՛վ տնտեսական, և՛ քաղաքական առումով կարծում եմ տարին բացասական էր, որովհետև տնտեսական դաշտում, ըստ էության, առաջընթաց գոյություն չունի», - այս մասին Լուրեր.com-ի հետ զրույցում ասաց «Ժառանգություն» կուսակցության փոխնախագահ Արմեն Մարտիրոսյանն ամփոփելով 2014 թվականը:
«Կառավարման համակարգը ինչպես եղել, այնպես էլ մնում է մի խումբ մարդկանց համար, ովքեր օգտագործելով պետական ռեսուրսները, ընդամենը անձնական հարստացման խնդիր են լուծում, և հակառակ դրան՝ հասարակությունը քանի գնում աղքատանում է», - ասաց Մարտիրոսյանը:
Վերջինիս համոզմամբ, քաղաքացիների սոցիալական վիճակը քանի գնում վատանում է:
«Քաղաքական առումով ևս չի կարելի տարին դրական գնահատել, որովհետև իշխանություններն իրենց կյանքը երկարաձգելու համար գնացին հակապետական քայլերի՝ ԵՏՄ ստորագրեցին, որը որևէ դրական բան չի տալու Հայաստանին, ընդամենը իշխանության պահպանման, երկարաձգման խնդիր լուծեցին: Բռնություններ կիրառվեցին ազատամարտիների նկատմամբ, որը պատերազմի շեմին գտնվող կամ պատերազմը չավարտած երկրի համար շռայլություն է: Քաղաքական առումով նույնպես դրական չէ, որովհետև ցանկացած պարագայում հասարակությունն այսօր բացառապես սպասում է իշխանափոխության, արմատական բարեփոխումների, իսկ դա մենք, ցավոք սրտի, այս պահին չկարողացանք իրականացնել», - ասաց Արմեն Մարտիրոսյանը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
