Ապարան-Քուչակ ճանապարհին «Գրանդ-Չերոկի» է կողաշրջվել

Հունվարի 2-ին, ժամը 22.45-ին ահազանգ է ստացվել, որ Մ-3 միջպետական ավտոճանապարհի Ապարան-Քուչակ հատվածում տեղի է ունեցել ՃՏՊ. «Գրանդ-Չերոկի» մակնիշի ավտոմեքենան դուրս է եկել երթևեկելի մասից և կողաշրջվել. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ դեռևս չբացահայտված հանգամանքներում Մ-3 միջպետական ավտոճանապարհի Ապարան-Աշտարակ 13-րդ կմ-ում «Գրանդ-Չերոկի» մակնիշի 34AF046 պ/հ ավտոմեքենան (վարորդ Գ. Հ., ծնվ.1979թ.) դուրս է եկել երթևեկելի մասից և կողաշրջվել. տուժածներ չկան:

Հրշեջ-փրկարարները ավտոմեքենան դուրս են բերել երթևեկելի հատված: