Հայ Առաքելական եկեղեցին նշում է Հիսուս Քրիստոսի Աստվածահայտնության և Սուրբ ծննդյան տոնը

Հայ Առաքելական եկեղեցին այսօր՝ հունվարի 6-­ին, նշում է Աստվածահայտնության և Սուրբ ծննդյան տոնը: Աստված մարդացավ և հայտնվեց մարդկանց: Քրիստոսի մկրտության ժամանակ Հայր Աստված վկայում է. «Դա է իմ սիրելի Որդին, որն ունի իմ ամբողջ բարեհաճությունը», և Սուրբ հոգին աղավնակերպ իջնում է Քրիստոսի վրա: Տեղի է ունենում երկրորդ Աստվածահայտնությունը: Այսպիսով, Քրիստոսի ծննդյան և մկրտության միջոցով հաստատված երկու Աստվածահայտնությունները եկեղեցում տոնում են միասին՝ հունվարի 6­ին «Հայտնություն» կամ «Աստվածահայտնություն» ընդհանուր անվամբ:

Սուրբ Ծննդին նախորդող օրը՝ հունվարի 5-ին բոլոր եկեղեցիներում տոնական պատարագ է մատուցվել՝ ի նշան Սուրբ ծննդյան հայտնության: Մարդիկ եկեղեցիներից վառված մոմեր են տանում եւ նշում են Սուրբ Ծնունդը: Հունվարի 6-­ի առավոտյան Հայ Առաքելական եկեղեցիներում մատուցվում է Սբ Պատարագ, որից հետո՝ կատարվում է Ջրօրհնեք՝ Հիսուսի մկրտությունը: Հիսուս ջուրն օրհնեց իր մկրտությամբ: Պատարագիչը սուրբ Մյուռոն է կաթեցնում ջրի մեջ և օրհնում այն: Ըստ ավանդության՝ ժողովուրդն այդ ջրից տուն է տանում՝ հիվանդներին բուժելու համար: Այնուհե տև քահանան այցելում է հավատացյալների տներն՝ ավետելու Հիսուս Քրիստոսի ծնունդը: Այստեղից էլ առաջացել է Տնօրհնեքի սովորույթը:

Հայ Առաքելական եկեղեցին միակն է աշխարհում, որ Քրիստոսի ծննդյան օրը նշում է հունվարի 6-ին: