Հանրապետությունում կան փակ և դժվարանցանելի ճանապարհներ. իրավիճակը՝ ճանապարհներին

ՀՀ տարածքային կառավարման և արտակարգ իրավիճակների նախարարությունը տեղեկացնում է, որ հունվարի 8-ի ժամը 17.00-ի դրությամբ ՀՀ տարածքում կան փակ և դժվարանցանելի ավտոճանապարհներ:

Ձնաբքի հետևանքով փակ է Վարդենյաց լեռնանցքը:

Դժվարանցանելի են Սպիտակի ոլորանները, Գյումրի-Աշոցք-Տաշիր, Գյումրի-Ամասիա և Սոթք-Քարվաճառ ավտոճանապարհները:

Հրազդան-Սևան-Մարտունի ավտոճանապարհին տեղ-տեղ առկա է մերկասառույց:

Արագածոտնի մարզի Ապարան, Թալին քաղաքներում և Արագած գյուղում, Տիգրանաշենի ոլորաններում առկա է մառախուղ:

Սյունիքի մարզի Կապան, Քաջարան, Մեղրի, Գեղարքունիքի մարզի Մարտունի, Սևան և Վայոց ձորի մարզի Եղեգնաձոր, Վայք և Ջերմուկ քաղաքներում տեղում է ձյուն:

Անվտանգ երթևեկությունն ապահովելու նպատակով ճանապարհաշինարարների կողմից ավտոճանապարհներին կատարվում են աղով և ավազով մշակման աշխատանքներ:

Խորհուրդ է տրվում երթևեկել ձմեռային անվադողերով:

Վրաստանի ՆԳՆ ԱԻ դեպարտամենտից ստացված տեղեկատվության համաձայն' առատ տեղումների պատճառով Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար: