«Գիտեմ, որ ինձ համար տեղ է լինելու բոլոր ժամանակների լավագույն ֆուտբոլիստների ցանկում». Ռոնալդու

Մադրիդի «Ռեալի» ֆուտբոլիստ Կրիշտիանու Ռոնալդուն հայտարարել է, որ դեռ երկար է ֆուտբոլ խաղալու:

«Գիտեմ, որ իմ անունը ֆուտբոլում մնալու է անհատական և թիմային հաղթանակների շնորհիվ: Գիտեմ, որ ինձ համար տեղ է լինելու բոլոր ժամանակների լավագույն ֆուտբոլիստների ցանկում, ինչը, իհարկե, շատ հաճելի է: Այժմ 29 տարեկան եմ, սակայն ինձ 25 եմ զգում: Կարծում եմ՝ բարձրակարգ խաղ կկարողանամ ցուցադրել ևս 5-7տարի: Իսկ հետո՝ տեսնենք: Ցսնկանում եմ խաղալ, քանի դեռ պահում եմ համապատասխան մակարդակը, որը գոհացնում է ինձ, երկրպագուներին և ակումբին», – Ռոնալդուի խոսքը մեջբերում է ՖիՖԱ-ի պաշտոնական կայքը: