Քուվեյթի հայկական եկեղեցում տեղի է ունեցել Հայոց Ցեղասպանության 100-ամյա տարելիցին ձոնված երեկո

Քուվեյթի ս. Վարդանանց հայկական եկեղեցում տեղի է ունեցել հոգևոր և հայրենասիրական երգերի երեկո, որը նվիրված էր Հայոց ցեղասպանության 100-ամյա տարելիցին: Այս մասին «Արմենպրես»-ը տեղեկացավ Քուվեյթի ազգային առաջնորդարանի ֆեյսբուքյան էջից: Երեկոն տեղի է ունեցել թեմի կաթողիկոսական փոխանորդ գերպ. Տ. Մասիս Ծ. Վրդ. Զոբույանի հովանավորությամբ, որին ներկա են գտվել գաղութի հոգևոր հովիվը, ազգային մարմինների և միությունների ներկայացուցիչներ: Երեկոն կազմակերպվել է Հայաստանյաց առաքելական եկեղեցու Քուվեյթի հոգևոր եղբայրակցության կողմից:

Բացման խոսքով հանդես է եկել Սաքո Հալեպլյանն՝ անդրադառնալով Հայոց Ցեղասպանության 100-ամյա տարելիցի ոգեկոչման կարևորությանն ու պատմության ընթացքում հայ ժողովրդի հավատարմությանն իր հայրենիքի և հավատքի նկատմամբ:

Ապա իր խոսքն է ասել Ցեղասպանության 100-ամյա տարելիցի Քուվեյթի հանձնախմբի ատենապետ Տիգրան Բայաթյանը՝ նշելով հայ ժողովրդի դարավոր արժեքների, հավատամության և պահանջատիրության մասին:

Միջոցառման փակման խոսքը կատարել է թեմի Կաթողիկոսական փոխանորդը: