Ծայրահեղ լարված վիճակ Գյումրիում. բախումներ ոստիկանության և քաղաքացիների միջև (ուղիղ միացում)
Հասարակություն
Այս պահին Գյումրիում ծայրահեղ լարված իրավիճակ է:
Դատախազության շենքի մոտից ցուցարարները ավտոերթով շարժվեցին դեպի ՌԴ հյուպատոսարան: Սակայն ոստիկանությունը պատ կազմեց և թույլ չէր տալիս քաղաքացիներին տեղաշարժվել: Քաղաքացիները փորձում են ճեղքել ոստիկանական պատը, քարերով հարվածում են ոստիկաններին։ Ոստիկանները շարժվում են ցուցարարների ուղղությամբ՝ փորձելով հեռացնել հյուպատոսության ճանապարհից:
Ոստիկանները սկսել են հատուկ միջոցներ կիրառել. տեղի են ունեցել պայթյուններ: Ցուցարարները փորձում են ճեղքել ոստիկանների շղթան:
Տեղեկություններ կան նաև այն մասին, որ վիրավորներ և բերման ենթարկվածներ կան:
Լարված իրավիճակը դեռևս շարունակվում է: Ոստիկանները բերման են ենթարկում մարդկանց, իսկ ակցիայի մասնակիցները անդադար քարեր են նետում ոստիկանների ուղղությամբ: Պայթյունները ևս չեն դադարում: Քաղաքացիները հետ են գնում:
Այս պահի դրությամբ հոսպիտալացվել է 8 վիրավոր:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
