«Ժողովուրդ». 2014թ.-ից անհետացած 25-ամյա ստեփանավանցուն սպանել են, իսկ դին՝ թաքցրել

Ստեփանավան քաղաքի բնակիչ 25-ամյա Արեն Հարությունյանին, որը դեռևս 2014թ. հուլիսի 4-ից անհետացել էր, պարզվում է՝ սպանել են, իսկ դին՝ թաքցրել: «Ժողովուրդ»-ի տեղեկություններով՝ տղայի սպանության համար կա կալանավորված անձ, որը, սակայն, չի հայտնում, թե որտեղ է սպանել և թաքցրել երիտասարդի դին:

Թերթի տեղեկություններով՝ ոստիկաններն այս օրերին փորձում են հայտնաբերել սպանված երիտասարդի դին՝ հարազատներին հանձնելու համար: Հիշեցնենք, որ մինչև անհետանալը. Արեն Հարությունյանը «Արիչոկ» մականունով Արա Հախվերդյանի սպանության կասկածով յոթ ամիս գտնվել է կալանքի տակ, իսկ ազատ արձակվելուց հետո անհետացել է:

Շարունակությունը՝ թերթի այսօրվա համարում։