ԱՄՆ-ի և Կանադայի կինոքննադատները «Պատանեկությունը» ճանաչել են 2014 թվականի լավագույն կինոժապավենը

ԱՄՆ-ի և Կանադայի կինոքննադատների ասոցիացիան, որոնք աշխատում են հեռուստատեսությունում, ռադիոյում և ինտերնետ-հրատարակություններում, հայտնել է 2014 թվականի արդյունքներով Critics' Choice Movie Awards մրցանակի դափնեկիրներին: Այդ պրոֆեսիոնալ միավորումը համարվում է խոշորագույնը Հյուսիսային Ամերիկայում, տեղեկացնում է «Արմենպրես»-ը:

«Լավագույն ֆիլմ» է ճանաչվել «Պատանեկություն»(Boyhood) ժապավենը, իսկ այն նկարահանած Ռիչարդ Լինքլեյթերը ճանաչվել է «Լավագույն ռեժիսոր»: Լավագույն դերասանուհի է հայտարարվել Ջուլիանա Մուրը «Դեռևս Էլիս» (Still Alice) կինոժապավենում կատարած դերի համար: Լավագույն դերասան է ճանաչվել Մայքլ Քիթոնը «Բերդմեն» ֆիլմում խաղացած դերի համար:

Դերասանական անվանակարգերում երկրորդ պլանի դերի համար պարգև են ստացել Պատրիցիա Արքեթը («Պատանեկություն») և Ջոնաթան Քիմբլ Սիմոնսը («Մոլեգնություն»):

ՏԱՍՍ-ը նշում է, որ լավագույն անիմացիոն ֆիլմ է դարձել «Լեգո: Ֆիլմ»-ը (The Lego Movi):

Լավագույն օպերատորական աշխատանքի համար պարգեը հանձնվել է Էմանուել Լյուբեցկիին «Բերդմեն» կինոժապավենում նրա կատարած աշխատանքի համար: «Լավագույն երգ» է ճանաչվել Ջոն Լեջենդի «Glory» («Սելմա») կոմպոզիցիան: