Փոքրիկ Սերյոժայի առողջության մասին խոսել են նրան բուժող բժիշկները (տեսանյութ)

Վեց ամսական Սերյոժա Ավետիսյանի առողջական վիճակը վատացել է: Խորացել է երիկամային և սրտանոթային անբավարարությունը: Որոշվել է կատարել պերիտանալ դիալիզ:

Հայաստան ժամանած ռուս մասնագետների խումբը տեղի գործընկերների հետ շարունակում են ցուցաբերել անհրաժեշտ բժշկական օգնություն: Երեխան գտնվում է բժիշկների հսկողության ներքո: Մասնագետները ջանք չեն խնայում երեխայի առողջական վիճակը կայունացնելու համար:

Փոքրիկ Սերյոժայի առողջության մասին խոսել են նրան բուժող բժիշկները:

«Սբ Աստվածամայր» բժշկական կենտրոնում Հայաստանի եւ Ռուսաստանից հրավիրված առաջատար բուժանձնակազմի առաջին խնդիրը Գյումրիում սպանված ընտանիքի փոքրիկի' Սերժոյա Ավետիսյանի բուժօգնությունը պատշաճ մակարդակով կազմակերպելն է: Այս մասին հայտարարեց «Սբ Աստվածամայր» բժշկական կենտրոնի տնօրեն Նիկոլայ Դալլաքյանը բուժհաստատությունում լրագրողների հետ զրույցում: Նա ընդգծեց, որ նո ւյնիսկ Գյումրիից Երեւան երեխայի տեղափոխումը եղել է պրոբլեմատիկ, եւ հենց այս պահին էլ երեխան տեղափոխման ենթակա չէ: «Նույնիսկ նրան ապարատից անջատելը կլինի ճակատագրական: Նման պատասխան տրվել է տեղափոխման տարբեր առաջարկներին»,-ասաց Դալլաքյանը:

Մասնագետներն անհրաժեշտ են համարում սիրտանոթային համակարգի աշխատանքի կայունացումը, թոքային անբավարարության վերացումը, երիկամների բնականոն աշխատանքի վերականգնումը: «Երեխան լրջագույնս խնդիրներ ունի բոլոր օրգան-համակարգերի հետ: Յոթ օր է ունեցել ենք լրջագույն, կյանքին սպառնացող տարբեր բարդություններով հղի իրավիճակ»,-ասաց բժշկական կենտրոնի տնօրենը: Նա նաեւ նկատեց, որ դժբախության պահին հայերը համախմբվում են, եւ կրծքով կերակրող մայրերի բա զմաթիվ առաջարկները դրա վկայությունն են: Ամեն դեպքում, երեխան կրծքի կաթի խնդիր չունի:

Տեսանյութը՝ 1in.am-ի: