Հայոց բանակ մեկնեցին արարատցի նորակոչիկները

Արարատ քաղաքի զինկոմիսարիատից հունվարի 20-ին հայոց բանակ մեկնեց արարատցի նորակոչիկների հերթական խումբը: Ներկա էին մարզային, քաղաքային և ուժային կառույցների ներկայացուցիչներ, նորակոչիկների ծնողներն ու հարազատները:

Արարատի զինկոմի ժամանակավոր պաշտոնակատար մայոր Գագիկ Ալոյանն իր խոսքում շնորհավորեց նորակոչիկներին: Նա նշեց, որ զորակոչիկներն իրենց համայնքի բուժամբուլատորիաներում արդեն իսկ ստացել են համապատասխան վեց պատվաստումները: Զինկոմիսարիատների բժշկական հանձնաժողովների կողմից նորակոչիկներն անցել են հոգեբուժի, թերապևտի, ակնաբույժի ստուգումներ: Կատարվել են լաբորատոր անհրաժեշտ բոլոր հետազոտությունները: Որոշ նորակոչիկներ էլ ուղարկվել են մայրաքաղաքի բուժհաստատություններ' կրկնակի ս տուգման նպատակով: Ալոյանն ընդգծեց նաև, որ զինկոմիսարիատները պարբերաբար համալրվում են նորանոր բժշկական սարքավորումներով, ինչի շնորհիվ բարձրանում է բժշկական հանձնաժողովների արշխատանքի արդյունավետությունը' բացառելով հնարավոր վրիպումները:

Ելույթի և բարեմաղթանքի խոսքով հանդես եկան նաև ծնորղները: Նրանք նշեցին, որ որ հպարտ են զինվոր որդի ունենալու, այսօր նրանց հայոց բանակ ճանապարհելու համար:

Ծնող, ազատամարտիկ Հովհաննես Արսենյանն ընդգծեց, որ ազատամարտիկներն անհրաժեշտության դեպքում կրկին կկանգնեն իրենց զավակների կողքին:

Զինվորներին բանակ ճանապարհելու արարողությանը ներկա էր նաև մարզպետ Ռուբիկ Աբրահամայնը, ով իր խոսքում շնորհավորեց երիտասարդներին հայոց բանակի զինվոր դառնալու կապակցությամբ: Դիմելով ծնողներին' նա ասաց, որ նրանց զավակների և իրենց կողքին է, և պատրաստ է ընթացք տալու հնարավոր բոլոր կնճռոտ հարցերի լուծմանը:

Մարզպետարան- համայնք-զինկոմիսարիատ- ոստիկանական համակարգ համագործակցության շնորհիվ մարզում զորակոչը միշտ հարթ է ընթացել: Հայոց բանակը զինվորների ծնողների, հարազատների համար թափանցիկ դարձնելու, զինվորներին քաջալերելու և նրանց մարտունակությունը բարձրացնելու նպատակով նախորդ տարվա ընթացքում Արարատի մարզում երեք անգամ կազմակերպվել է զինվոր-ծնող հանդիպում: Մարզպետը խոստացավ նաև, որ նմանատիպ հանդիպումները կշարունակվեն այս տարի ևս:

Լիլիթ Մաճկալյան