«Հայաստանը հույս ունի, որ Գյումրու սպանդի հետաքննությունը արագ կընթանա». Նալբանդյան
Արտաքին Քաղաքական
Հայաստանը հույս ունի, որ Գյումրիում տեղի ունեցած Ավետիսյանների ընտանիքի սպանության գործի հետաքննությունն արագ կընթանա, միաժամանակ, մեր երկիրը կշարունակի զարգացնել հարաբերությունները Ռուսաստանի հետ: Ինչպես հաղորդում է «Արմենպրես»-ը՝ վկայակոչելով «Ռիա-նովոստին», այդ մասին Բրյուսելում տեղի ունեցած ասուլիսում հայտարարել է ՀՀ արտաքին գործերի նախարար Էդվարդ Նալբանդյանը:
«Ինչ վերաբերում է Գյումրու ողբերգությանը, ապա մենք հույս ունենք, որ հետաքննության բոլոր փուլերը կավարտվեն հնարավորինս արագ, և մեղավորները կկրեն օրենքին համապատասխան պատիժ: Իհարկե, այդ ահավոր հանցագործությունը Հայաստանում ստեղծեց հանրային շատ հույզեր: Գիտեք, որ մենք շատ ամուր, ռազմավարական և դաշնակցային հարաբերություններ ունենք Ռուսաստանի հետ և մենք կշարունակենք ամրապնդել մեր բարեկամական կապերը ՌԴ-ի հետ»,- ասել է Նալբանդյանը:
ՀՀ ԱԳ նախարար Էդվարդ Նալբանդյանը հունվարի 20-ին Բրյուսելում մասնակցել է Հայաստան-ԵՄ համագործակցության խորհրդի 15-րդ նիստին:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
